كلمات أخبار سعيدة

لا دى ماجاتش ف بالى
ألاقى صورته ف بالى
لا بتروح و تغيب
و لا قابلة تسيب ..... خيالى

فى إيه بقى بيجرالى
أنا ماكانش ده حالى
بقى القلب يدوب
لو بس يادوب ... نادالى

باينالى أخبار سعيدة
باين بحبه و أنا
هاوصل مراحل بعيدة
و افضل معاه ١٠٠ سنة

ويلى
أول ما يهل ف ليلى
و يكلمنى ف مواويلى
صوته و هو بيحيكلى ... غُنا

عينى
بتشوف عينه تنسّينى
أيامى و كل سنينى
و القلب يقول خلينى هنا

يا روحي ليه سايباني
ليه و أنا لسة مكاني !
ورا حبيب الروح
في مكان ما يروح ... تباني

حبيبي طلّ و جاني
هعوز إيه أنا تاني
ده هو المطلوب
وخلاص مكتوب ... عشاني