كلمات كم في الحب

كم في الحب مثلي ما يلامي
على شان المحبه والغرامي
حبيب الروح ردوا له سلامي
لو انه يا بعد روحي بعيدي

حبيبي صار في قلبي محله
ولا احد غير محبوبي يحله
ولا ما رحت يامرسول قله
ترى حبه على بعده يزيدي

مضى شهرين ما جتني رساله
ولا واحد عن المحبوب ساله
ولا منه تصور لي خياله
بكت عيني من الحب الشديدي

يطير النوم لامني ذكرته
وكم ليل على شانه سهرته
وكم في كم انا قد لي شكرته
وكم اهدي له الفن الجديدي

يحب القلب للمحبوب هذا
وغيره مايبي هذا ولا ذا
ولا لي عن هوى بالي ملاذا
ولكن يا حبيبي ويش بيدي

ياليت الوقت يسمح للمعنى
لعله باقي العمر يتهنى
حياته كلها صار يتمنى
ولكن التمني ما يفيدي

كفايه يا بعد روحي كفايه
وماضي اللي حصل فيه الكفايه
ولكن ياحبيبي فالنهايه
يساعدنا الهوى فيما نريدي