كلمات يا بيوت السويس

يا بيوت السويس يا بيوت مدينتى
استشهد تحتك وتعيشى انتى
يا بيوت السويس
هيلا هيلا هيلا يالله يا بلديا
شمر دراعاتك هى الدنيا هىّ
ان باعو االعمر ف سوق المنية
رفاقى هانروح السوق نجيبه
ونعود ونغنى ع السمسمسية
ليكى يا مدينتى ياللى صمدتى
يا بيوت السويس
أستشهد والله وييجى التانى
فداكى وفدا أهلى وبنيانى
أموت ويا صاحبى قوم خد مكانى
دى بلدنا حالفة ما تعيش غير حرة
قفّلت بيتى وسكيت دكانى
ياشطى وبحرى وشبكى وسفينتى
يا بيوت السويس
واللهِ بُكرة ياعم ابو رية
لهتضحك واحنا ماشيين سويّا
ع المينا والا عند الزيتية
وهتاخد بنتك وابنك ومراتك
وتعدى على نفس المعدية
وتقول يا دنيا والله وصدقتى
يا بيوت السويس
وان عشنا وانا كنت شديد متعافى
انا لاحمل طوبك على لحم اكتافى
واقضّى يومى عرقان وحافى
وان قدمى اتعفر فى الرمل الأصفر
لأغطس قدمى فى البحر الصافى
وتعودى أحسن من يوم ما كنتى
يا بيوت السويس