كلمات عالي الهامة

عالي الهامه انا بالغيم اضعف قوتي
ما ارتجى طلاب شي فيني الا و اعتلى
ما ارتكب ذل الخضوع لغير خالق عزتي
لا تخيل ان الحياه يا انت او غيرك فلا

يا محتري كبوه جوادي و يا مدور زلتي
تعال و اطلبني خطا و بك هلا و ميه هلا
شف عذاريبي وخذ جوفي و اكشف نيتي
لا حشا ماني من اللي يرد يوم سؤلا

راضي بكلي و ادري وش دواي و علتي
ما يهم اكون صح في عين شخص من الملا
دامني مرضي غروري و ما لاحد في ذمتي
حق ما يشغلني راي ولا كثير الاسئله

يا مقتفي بين السطور حرف يعكر صفوتي
خذه وما فوق السطر واللي ناقص كمله
من بغا يلقى لي عذر والله يدمح هفوتي
واللي ما يبغى له الله يشرب اللي بلله