كلمات الله لا يجمعني فيك
✍️ كلمات: باسل الشطي
🎼 ألحان: عايل القطري
الله لا يجمعني فيك في طريقي حتى صدفه
وياعساك اليوم تقوى وتحتمل لحظه وداعي
كنت من قلبي ابيك وكنت اول حب اعرفه
لكن المكتوب اقوى من حنينك واقتناعي
مثل ماحبينا مره سهل اقسى وسهل تقسى
والدموع اللي بعيونك مالها هاليوم داعي
كنت حلم وماتحقق كنت بر وكنت مرسى
كنت احبك في منامي وكنت احبك وانا واعي
انهدم حلمي وحلمك اختفى كل شي نحسه
والامل لي عاش فينا مالقى فينا مساعي
ماهو بيدي وماهو بيدك لازم انسى وانت تنسى
وللظروف تسلم امرك وانا بعلن انصياعي