كلمات مسولي عالجدعان

مسّولي ع الجدعان وعاللي عمره لحظة ما خان
وع اللي بوش واحد بان .. مسّولي مسّولي
ده ألف شكر يا أيام كشفتي ناس كتيرة أوام
سلامنا للي مظلوم نام مش ظالم و وصولي

مسّولي
عاللي يوم لا باع ولا ساب
واللي بجد مش كداب
عاللي لا صعب ولا قلّاب
مسّولي

مسّولي
عاللي صاننا ما جرّحناش
واللي عنّا ما استغناش
وقت الجد ما فارقناش
مسّولي

مسّولي عالتقدير وع اللي قلبه لسه كبير
و جاب سيرتنا يوم بالخير ما اتغيرش علينا
ده اللي لما احتجناه في شدة جنبنا لقيناه
قولوله عمرنا ما ننساه ده نشيله في عنينا

مسّولي
عاللي يوم لا باع ولا ساب
واللي بجد مش كداب
عاللي لا صعب ولا قلّاب
مسّولي

مسّولي
عاللي صاننا ما جرّحناش
واللي عنّا ما استغناش
وقت الجد ما فارقناش
مسّولي