كلمات انترو
العين تشوف والارواح بطوف
جثث بشر عايمه عشان البشر ماره بظروف
ظروف قاسيه قلوب ناسيه
بحاول اغز الدم في القافيه
وصباح الخير هنا الخرطوم
مكتوب في الجريده
عنوان كبير اواب والبريده
ريده شديده منها جنى
عشان غنى ما قلنا زنا
وهو وينو الصالح
الطالح والصالح السرحان عبدالله الطيب
والطيب صالح عاطف محمد صالح
قال النيل فرقو بظهر لمن تضوق المالح
الصالح مجهول والضميو مقتول
بس شالني الفضول انو ازرع فيكي الحقول
ما كنتي وطن وشخصي الضعيف العاصمه
لقد كنت المحتل وقلبي كان العاصمه
وكما يقولون الموناليزا رائعه لكن ليست
هي الراسمه
القلب ارتوى المفهوم اتلوى
سئمت الحب واحببت فتاه الهوى
لكن هي زايله واختاروا تموتوا كيف
بين البشر سواء الصالح او الطالح الفراغ او الجمل الهادفه
او موت زي الشجره الشجره بتموت واقفه
اخر سجاره في البكت وحيبقى فاضي زي العقل
واحد كل كلمه ماشي فاضي
يا حجه اعفي ويا حاج انشاء الله راضي
التراك الجاي حقيقي حاتكلم واكون راضي
عرفته ناس بالواحد بعرف اتنين ما معارف
الواحد عندو وشين
عرفته بت وعرفته من وراها اتنين
التومات حلوات من برا الحلو بكضب الشين
حبيت كتير
سكيت البنات كتير
في الكذب بقيت سفير بين الشباب بقيت عوير
الصحبه دايره تجدير
الشله دايره تصغير
البزنس داير تكبير
فرق شاسع
بين تامر والنذير
دي عنصريه بس في اسمك الخلفيه
عشان الناس تفهم شويه
انته جاي من وين
معاك دنقلاوي ما عارف الدناقله وين
مفاهيم معقده دايما الحلول بسيطه
داير تعرف اصحابي وين اختار ليك حته في الخريطه
اصحاوب موزعين ب قروشنا مشردين
الواحد بدفع قروش عشان اكمل التعليم
وامسك شهادتو وامشي للحجه اوريها انو ضحى ب سعادتو وأمن مستقبل اخوانو بتضحيتو وساب بلادتو ودي ما من عادتو
بينك وبين نفسك عارف نفسك ما ندي حافضل اقول بارات لحدي ما احفادي اقولوا احسن رابر في البلد دي كان جدي
لاعبين للكاس اللعب ده ما ودي كبير عقليا
شافع عمريا
بقش البوسه من خدي
طاهرين من برا بس من جوه ما انجسنا
شايفك فوق انا فوق في الانقسنا
دايرين كلام بنبيع كلام
اواب ذا رابر سفير النوايا الحسنه
افكارنا حره كلابنا سره
عشان الفلو يظبط الكلمه بنجرا
كتير الشربوا يا خالك والشربخ مره
لو جات مصيبه نحنا البنطرا
جثث بتموت ارواحم حتفضل فينا
في العقل منحوت اشكال الذكرى الدفينه
في التايتنك ماتوا ناس بس اتذكروا السفينه
بس في ناس قلوبه حيه لكن ماتت بالغبينه
قصص اهلنا بتتكلم عن المحنه نحنا البي القصص
كبرنا بس الزمن ده ما زمنا هل بيجي وتوباك فوق
اتلاقوا في الجنه؟
ما معروف
هل صدام والقذافي قعدوا عرفوا حال العرب ؟
هل مارتن لوثر كينج قاعد بسمع جاز للطرب ؟
هل الاسطوره بتموت بدري ولا انا البراي بشوف؟
لو الموت ده كان حل جذري اقلبوا الاقلام سيوف
اخر رساله ابداها بإستعاذه
مسلم غريب مصلايه وقزازه
غرقان في الحروف انا ارسل استغاثه
لو شايف روحك تعبته الله ما بياخد اجازه