كلمات جربت
جربت تكون جواك بتموت
والناس شايفاك عايش مبسوط
وف كل مناسبه يحسدوك
جربت تشوف.. الخوف ف عنيك
جربت تفكر ف المجهول
وتحس الليل عمال يطول
والفرحه ف قلبك تبقي خريف
جربت تفارق احبابك
وتعيش مع همك وعذابك
جربت العجز قصاد حلمك
وقصاد اشواقك وحنينك
جربت تلملم أفراحك
من صوره قديمة في ذكرياتك
جربت تفكر ف المجهول
وتحس الليل عمال يطول
والفرحه ف قلبك تبقي خريف
جربت تفارق احبابك
وتعيش مع همك وعذابك
جربت تكون جوه الواقع
وتفكر دايماً ف الماضي
جربت تعدد اعذارك
علشان تتهرب من يأسك
جربت تواصل مشوارك
مع انك تايه من نفسك