كلمات شايل عيون Shayel Oyoun
اويلي شايل عيون
سبني بنضرة وحدة
ومثل كمرة سمة بليل
الشامة الفوك خده
غالي وتسوة دنياي
منه نظرة وحدة
شسولف شعجز احتار
صفات هواية عنده
العطر اللي بثوبه فواح
ماشالت مثله وردة
والطول يشبه السيف
من الجهتين حده
عسل لا عنه ماكول
العسل هوة يقلده
والله اتمنى اخفيه
وعن الناس ابعده
ورزق هذا والي صار
اشكر الله واحمده
اجاني وعوض هواي
الفراغ بروحي سده
لو باعصابي بركان
اشوفه وراسن اهدة
برأيكم بالكلب هاذ
منو غيره اكعده
اويلي شايل عيون
سبني بنضرة وحدة
ومثل كمرة سمة بليل
الشامة الفوك خده
غالي وتسوة دنياي
منه نظرة وحدة
شسولف شعجز احتار
صفات هواية عنده
بشر من كلشي محبوب
صفاته عالمية
واحسه محور الكون
واساس الجاذبية
من كد ما ترف حيل
ورقيق بين اديه
من اكول اسمه
فراشات احسها تطير بيا
حلو بكل التفاصيل
فرق عن البقية
يبث لروحي احاسيس
اذا يباوع عليا
هديتي وماكو بالكون
مثل هيجي هدية
بعد كلشي اني ماريد
مدام احنا سوية
نقطة ببحر والله
كل الكلته عنه
راقي وطيب هواي
جنه كلوب اهلنا
شسولف عن الاخلاق
والحب والمحنة
احس هوة اول انسان
الجمال يغار منه
اويلي شايل عيون
سبني بنضرة وحدة
ومثل كمرة سمة بليل
الشامة الفوك خده
غالي وتسوة دنياي
منه نظرة وحدة
شسولف شعجز احتار
صفات هواية عنده