كلمات غيبوبة
صحيح بينكم لكن وحدي
سامع صوتكم لكن ساكت
صحيح العمر بيعدي
وأنا في نفس المكان ثابت
صحيح شايف لكن غافل
وقافل بابي على نفسي
لا أنا مجنون ولا عاقل
أنا كاتم ف الحياه نفسي
ما أنا الناتج لأفعالكم
لتجريحكم وإهمالكم
يارب تكونوا كده راضيين
وأنا ف غيبوبة قدامكم
ماحدش فيكوا كان صفي
صلبتوا ع الوجع شغفي
منعتوا النور يزور روحي
منعتوا سلامكوا عن كفي
صحيح الحال بيتغير
لكن حالي خلاص كامن
ملامح وشي بتعبر
لا أنا خايف ولا آمن
أنا مش جزء م الأحداث
نتيجة تبدو محسومة
لشخص وحيد ما بين الناس
وعاش في بيئة مسمومة
ما أنا الناتج لأفعالكم
لتجريحكم وإهمالكم
يارب تكونوا كده راضيين
وأنا ف غيبوبة قدامكم
ماحدش فيكوا كان صفي
صلبتوا ع الوجع شغفي
منعتوا النور يزور روحي
منعتوا سلامكوا عن كفي