كلمات ظبياني

بو عيان دعج ذابحني
من لواحظ عينه ارماني
قلت له من وين صارحني
قال هذا الزين ظبياني
مد لي يمنى وصافحني
اشهد انه اختل ميزاني
في عيوني الشوق فاضحني
من يلوم المغرم العاني
آه مجمل بوظبي وش عاد لو هو كان منها
فدوته كل مايبي و الغاليه يرخص ثمنها

غرنجي إصغير السني
مانوجد مثله ابد ثاني
به لواحظ هوب يخطني
من نظرته صرت هيماني
بالغلا ماخاب به ظني
يسري بدمي وشرياني
خذ فوادي وكل شي مني
يوم قابلته وحياني
آه مجمل بوظبي وش عاد لو هو كان منها
فدوته كل مايبي و الغاليه يرخص ثمنها
يا عسى بدنياه متهني
لي يساوي ناظر اعياني
ويعل داره غيم ايدني
و تسقي الرمضى بلمزاني

بو عيان دعج ذابحني
من لواحظ عينه ارماني
قلت له من وين صارحني
قال هذا الزين ظبياني
آه مجمل بوظبي وش عاد لو هو كان منها
فدوته كل مايبي و الغاليه يرخص ثمنها