كلمات عقدة حياته

لسه أنا عقدة حياته
اللي ما إتفكتش لسه
واللي تاعباه من زمان
حب يرجع بس كان الوقت فاته
حب ينساني إفتكرني أكتر كمان
لسه أنا أكبر خسايره
بس مش قاصدة إني أعايره
ولا أضايقه بكلمتين
عادي جدًا لو يشوف كان فين معايا
يكتئب لو شاف بقى من غيري فين

أنا فرصة عمره اللي خسرها
طب ليه ما مسكش زمان فيها؟
أنا فرحة عشان تاني يجي غيرها
يفضل مية سنة مستنيها
أنا فرصة عمره اللي خسرها (اللي خسرها)
طب ليه ما مسكش زمان فيها؟ (آه)
وأنا فرحة عشان تاني يجي غيرها
يفضل مية سنة مستنيها

لسه أنا الجرح اللي تاعبه
وأزمته وهمه ومتاعبه
وبعدي مش عارف يعيش
كل ما آجي في باله أنا بقلِّب مواجع
بس لو بإيديا أنا هحاول ما أجيش
أيوة أنا وما بقولش لأ
فرقتي بتيجي بمشقة
بس هو أنا ذنبي إيه؟
ده اللي فارق هو وأنا مش فاهمة ليه
زعلي منه مش مانعني أزعل عليه

أنا فرصة عمره اللي خسرها
طب ليه ما مسكش زمان فيها؟
أنا فرحة عشان تاني يجي غيرها
يفضل مية سنة مستنيها
أنا فرصة عمره اللي خسرها (اللي خسرها)
طب ليه ما مسكش زمان فيها؟
أنا فرحة عشان تاني يجي غيرها
يفضل مية سنة مستنيها