كلمات بنحت في الصخر

هلاقيها منين انا و للا منين
الخوف قدامى كانه كمين
و ورايا الذكرى محاصرانى و هروح على فين
كل ما بيفوت الوقت بموت
مش جنبي و شايفاك صوره و صوت
بعدك بقي حبل مكتف قلبي و بيه مربوط

بنحت ف الصخر عشان انساك
و بجاهد نفسي عشان مرجعش
بعمل ميت خطه و مبتنفعش
دايما نتايجهم بالمقلوب
و بصبر نفسي بقول ايام
هتعدى اكيد بالطول و العرض
بس انا لو روحت لاخر الارض
و لا هنسي و لا هينفعنى هروب

بدخل مع نفسي يوماتى رهان
ان النسيان شيء ف الامكان
و ف اخر اليوم قلبي بيطلع دايما خسران
بمشي ف بعدنا خطوه لقدام
و ارجع بعدها ميت خطوه اوام
ف امس الحاجه انى اطمن بيك و ابقي تمام