كلمات مكانك
✍️ كلمات: أنور المشيري
🎼 ألحان: أحمد الهرمي
عن احساسي بغيابك
او شعوري وانت قدامي
وش اخباري وانا احبك
على رغم اللقا والبين
مكانك هو مكانك
ما مشت بي الا ايامي
تجي وتروح والحالة
على حطة ايدك للحين
انا ذاك اللي لا شفتك
في وجهك تضحك احلامي
وانا ذاك اللي من تزعل
وقفت وعالمي ما بين
تدور الدنيا من حولي
وتموج الارض باقدامي
الين تردلي قلب
خذوه عيونك الثنتين
انا من زود ما احبك
رضيت بجرحك الدامي
وعشقت الغيرة وعتابك
حنانك والقسا واللين
وتعودتك لحد اني
بديت استعذب الامي
وحضنتك حب ومن كبره
تعامت عن خطاك العين
معك هالمرحلة بالذات
بميزها عن اعوامي
بسميها العمر كله
و اعد الباقيات سنين
ولنك جوهرة روحي
وريمة قلبي والهامي
ابشكر عشرة من شهر
صدفتك فيه انا يالزين
علاقتنا قصيدة حب
ورقها تعب اقلامي
ولوحتنا اللي ترسمها
ومزاجك ريشة التلوين
قصيدة كانت او لوحة
ابي اتخلدها ايامي
علاقة بكل ما فيها
تعبر عن غلا قلبين