كلمات ديما مكسورة ضحكتي - يا امي ابنك مش بخير - نهرب ونروح لفين

على مركب الحياة تعبت وقلبي تاه
ولما الحمل زاد النور قلب سواد
هبكي على اللي فات ولا أبكي ع اللي جاي ليّ
أنا ما ضمنش الذكريات تنهش في عقلي وتأذي فيّ
ولو ع السكات دايما بهرب لكن لفين

نهرب ونروح لفين ونكلم السنين
بنخطي خطوتين والقلب مش سليم
بنده على اللي فات وحبه ذكريات
طب حد يقول لي ليه لسه الواحد حزين

نهرب ونروح لفين ونكلم السنين
بنخطي خطوتين والقلب مش سليم
بنده على اللي فات وحبه ذكريات
طب حد يقول لي ليه لسه الواحد حزين

دايما مكسورة ضحكتي غريبة جدا دنيتي
مليانة خوف من اللي جي وذكرياتي
تتلخص بس في كلمتين من الزعل وسط السنين
يا عيني علي قلبي الحزين موجوع ليلاتي
وفي وسط لوحة الحياة مرسوم بلون إسود كئيب
يشبه لشكلي وعايش نفس دور حياتي
مكتوب عليّ الهم يعني مش سايبني أعيش
وشكلي مش هكمل جبت أخري أنا بموت

بهرب من السكوت وأسمع نفس السكات
بعد اثنا عشر بالليل بقعد أبكي بالساعات
لالقيت طبيب يداوي روحي
ولا روحي حتى عارفة مالي
ليه بنفسي بفتح صوت جروحي
واسرح مع نفسي أنا في خيالي
واتوه وسط السحاب مع السجارة وخلوتي

(ولو على العمر ضاع الله يعوض عليه (الله يعوض عليه
(مركب من غير شراع واتبقى منه إيه (واتبقى منه إيه
الشمس ليه بتغيب واحنا في عز النهار
ولا البخت اللي مال من غير ازاي وليه

(ولو على العمر ضاع الله يعوض عليه (الله يعوض عليه
(مركب من غير شراع واتبقى منه إيه (واتبقى منه إيه
الشمس ليه بتغيب واحنا في عز النهار
ولا البخت اللي مال من غير ازاي وليه

يا أمي إبنك مش بخير في غربة والأيام تقال
بعيد نفس الألم في ليلي يا آه يا ليلي
إدعي لي يمكن بكرة أفوق أنا اتعذبت من الشقوق
وفي نومي يا مّه مئة كابوس بقى يجي لي
بقيت بشبه لحد غيري واللي ليّ مش باقي لي
والدموع عمالة دي بتحرق في عيني
تايه دايما في مئة طريق بعود وبرجع للمسار
ولا الرضا قرب لي ولا عايز يجي لي