كلمات ياهل العز والجود

للعز دايم ياهل العز والجود
ياللي لكم في المجد ذروة سنامه
مبروك ياممدوح والمدح في زود
لايق عليك المدح حب وكرامه
ابوك بندر والفخر ماله حدود
له في جبين الطيب رمز وعلامه
وجدك شمال الدار عمر لها حدود
عبدالله ابن مساعد ابو الشهامه
انشهد ان لك يارلد بندر جدود
الكل منهم يرحم الله عظامه

مبروك عل افراحكم دايم بزود
ودرب العمر باركه ربي وادامه
وانشهد انك يوم ناسبت موعود
باهل الحسب واهل النسب والزعامه
منصور ابوها مابقى في الحكي فود
ابن سعد مسك الكلام وختامه
وشلون اجل لامن ذكر جدها سعود
الحاكم اللي مايثنى كلامه
وفيصل ابن تركي لها جد ونعود
لابن جلوي والطيب يرجح مقامه