كلمات مراسي الشوق

مراسي الشوق الى هذا المدى كافي
وين الوله يا مراسي الشوق ودانا
تعال باسم الحياه وحلمنا الغافي
نبدا حياه جديده كانه امدانا

مرساي ريحي شراعي حلمي مجدافي
قطار الاحلام توه ما تعدانا
تعال انا وانت نعلن حلمنا الخافي
نمشي سوا ونتحدى من تحدانا

ياللي عيوني بدونك نورها طافي
اروى الوله ضيها من عقب ما اروانا
يا بارد القلب وين احساسك الدافي
اغلى المواعيد مرت ليه ما امدانا

ولايف الروح يا روحي و ميلافي
اللوم في مثل هذا اليوم عدانا
يا اجمل حروف عمري واعذب اوصافي
تذكر الحب يوم الشوق نادانا

البعد كدر علينا جونا الصافي
لكن ترا ماتغير خط مبدانا
قدرك على الراس وهمومك على اكتافي
اشيلها عنك كان الوقت عدانا

يوم الحبايب لفوا يا حي هاللافي
على اصدق احساس كل الناس بدانا
دامك معي وافي وانا معك وافي
لابد ما نستريح ونقهر عدانا