كلمات راعي السبوق
اسوق جزلات القصيد
واطوع المعنى وازيد
واخصها لـ أبو سعيد
الوافي الذرب الاصيل
شوط الهجن يبغى عتاد
ذلايلٍ ..خير التلاد
ومضمرٍ حاسب وعاد
للريس والشوط الثقيل
صيت (المغامر) يوم شاع
من قو سيط..وطول باع
ما طاح دون المستحيل
راعي السبوق اللي كسرت
التيم يوم انها اظهرت
عن شوطها ما اتخبرت
تركض على حس ودليل
اتشلّ فودات الملا
وتزيح صلفات البلا
كالغيم تقبل ع الفلا
جود ومناشغها مخيل
من دون صيحات وحفوز
لأشر لها مضمر..تفوز
ياآ كمّ يابت مالرموز
والكاس والسيف الصقيل
وعزومها ما تنقصر
ولغيرها يفر المصر
لا قلت اعزوم الحصيل
الشوط يبغى له دهى
من اوله للمنتهى
حدن قصر واحدن رهى
واللي قصر دون الحجيل
الحارثي اسمه أسم
فالشوط له ختم ووسم
ايشل شهقات النسم
رمز الصدارة له وكيل
معلومات الاغنية
اهداء من :: ابو علي العريمي
لـ ابو سعيد الحارثي
الحان واداء الفنان :: جمعه العريمي
توزيع ومكس :: تون لايف
فيديو :: المفارق