كلمات اخو محمد

هذا الوطن روحي فدا لترابه
اموت به ولا العزيز احيا به
هذي امارات الوفا المرحابه
المجد نوخ في ثراها اركابه
ولفعولها التاريخ شرع بابه

تمضي سنين من العطا
واحنا على نفس الخطا
للارض خير و للعتيم
نورن على العالم سطا

اي عز اي مجد و فخر
اي حب اي مدح وشعر
يوصف محبه دوله
ثراها اغلا امن العمر

طول السما وعرض البحر
يحق لي فيج افتخر
انا الاماراتي انا
وانتي بلادي و العمر

ولائي واخلاصي اكيد
كل يوم عن قبله يزيد
يٰولد معاي امن الصغر
وايضخ مع دم الوريد

وان غرت ع بلادي اشوش
ذراي جيش عن جيوش
الارض تهتز ان مشى
وان حانت الحزه وحوش

طول السما وعرض البحر
يحق لي فيج افتخر
انا الاماراتي انا
وانتي بلادي و العمر

من قاد في الصحرا ابل
من جابها بحر و جبل
يالين هاليوم و نحن
وطن وكل شعبه بطل

هالدار ما تعرف محال
وان عزمت ترقى الخيال
تشهدلها ارض و فضا
وابداعها في كل مجال

طول السما وعرض البحر
يحق لي فيج افتخر
انا الاماراتي انا
وانتي بلادي و العمر

حن شعب ما يتردد
يفزع لمن ينخاه
يبشر وانا خو محمد
سيفه وانا يمناه