كلمات البتريوت

البارحه والنوم للي يكيلون
نوب يشرق بي ونوب يغرب
مرهون لذكرى ولسهر مرهون
يا ليل حل عني ويا صبح قرب
أيامنا اللي بينت كل مكنون
على ملامحنا وقامت تسرب
اسمي سفر لكن سفر خارج الكون
خليتني حاضر وفكري مغرب

ما ابغى العرب تدري ومنها اتهرب
الناس بخصوصيتك لا يعرفون
لا تنشد الدكتور وانشد مجرب
خلك بلا صاحي ولا انته بمجنون
يومين صلحها ويومين خرب
ياللي على بيته تروحون وتجون
قولوا له ان صبرن صبرناه صرب
هذي ثلاث سنين والصدر مشحون
لا انته مبعدني ولا انته مقرب
اما انجح الكيه على ما يقولون
والا تذرب مثل ماني مذرب

ماني محل التجربه لا تجرب
متنازل عن كل خيبات وطعون
ازعل وأبعد عنك وارجع واقرب
مردده ما شامت إلا لدندون
ومعرب ما حب غير المعرب
انتي بتريوت المزايين بالعون
محدن يناطح زينك ولا يقرب
ونهاية الموضوع فالحفظ والصون
انته وانا والكل في دبرة الرب