كلمات مسيرها
الطريق ماشي بيه
و انا عليه مكمل
السكة سالكة بس الطريق شكله لسة مطول
عايشها وحداني مقضيها متسول
لحظة الانتظار ثقيلة عليه بس انا بهون
فين الي كانوا معايا
فين الي كانوا في ظهري
فين الي كانوا وييا
بصيت لنفسي في مرايا
بسأل نفسي فين الظروف
فين الكلام الي كتبته بحروف
امتى هبطل كسوف
امتى هبطل كسوف
بحاول اطلع بره الدايرة
بحاول امشي عليها بس هي مش ماشية
بحاول اشاور عليها بس هي مش باينة
عامل زي الي ماشي في متاهة
الدنيا مسوحاه
عيلته خنقاه
حبيبته كرفاه
و صحبه مديله قفاه
و سيجارته في ايده مش مكيفاه
بعدت و اعدت اشرب في الخمرة
و انا اعد لسة بستنى
ان الثانية تيجي و اترمي برة
بس مش عايز اطلع برة
نفسي بس حد يسمعني مرة
نفسي احس بطعم الدنيا
نفسي صوتي يطلع برة
يطلع برة القارة
بس مسيرها علية تفوق
مسيرها انا الي امسكها و اسوق
مسيرها انا الي اكلها و ادوق
مسيرها ابقى انسان مشهور
و يكون عندي اكبر جمهور
مسيرها انط فوق الصور
مفضلش واقف في زحمه الطبور
طب ليه يا دنيا بتشدينا
لحد امتى هتفضلي تخدي فينا و تودينا
حياتنا بقت زي سفينة و راسية على المينا
ناس فيها بتقطع بعضيها
و اهي فانية بس ربك ممشيها
نفسي بس الاقي الي تقف في ظهري
و اترمي في حضنها و اجري
نفسي الاقي صورتها وسط هدومي
معاها بنسى كل همومي
يا دنيا اطلعي بية و قومي
بقيت عامل زي الطفل في وسط دموعي
نفسي بس صوتي يسمع
نفسي البيت ده يجمع
نفسي اسمي وسط الناس يلمع