كلمات مشموم

ارسمني طيف حاضر في وحشة ليل سامر
حلمي بظل ويّاك مكتوم
قهوة وغيم واشجار، موج ودفتر اشعار
كرة قدم وجيتار مهموم
وما عاد عندي حبر ينسكب ولا طير محروم

اصحابي دوم في حسّي، نجّوني من كل يأسي
الأوّل متيّم والثاني موسوم
قولّهم تراني ممنون، غصت في بحر ميمون
وشفت الكون بعيون فطّوم
وبضحكتها خلّ اللحن يحترق وقلبي منها بتم مهزوم

خذ منّي بوح الروح، خذ كل ثمر لجروح
لون الرجى في الماي مرسوم
واذكرني في الشعر لي جن، او صوت خالد لي حن
واحتفل كل يوم بالشمس والقمر ولا تكون غاشم ولا مظلوم

احلفك ما تتركني
بعيد عن ابوي وامّي
في تراب شيعي او سنّي
اعزف عودك وادفنّي…
بمشموم