كلمات تعال و اسالني ( مفروض )

مفروض لا قلت عني سالفه قلني
مع فعول الرجاجيل اذكر اسماها
ما ابيك لا انته ولا غيرك يجاملني
انا اكبر من النفوس ومن محاباها
في خاطرك شي لي تعال واسالني
لا تحكم بغيب نفسك وترضاها
لا تنوي انك باسلوبك تقللني
ترى الله يحاسب الناس بنواياها

وتراك ما انته بتفرحني وتزعلني
لان الحقيقه حقيقه لو تناساها
والفرق بين تجاهلني وتجهلني
كبر البسيطه من اقصاها لادناها
انا اللي عقول مثلك ما تحللني
الله خلق خلقه وميز مزاياها
خلقني بها الزمان اللي معلمني
كثر حكايا الرجال وقلت احلاها

تنزيل مثلك لقدري ما ينزلني
ما كل حاجه تمناها با تلقاها
في عيون بيض الوجوه الله مجملني
انا احشم اشنابها وادسم لحاها
لا تعتذر لي ولا ترجي تواصلني
ولا تلحق الذنب مدح وتقصر خطاها
مدايح اللي سواتك ما توصلني
لو تمطر الارض ما وصل السما ماها