كلمات محزم العود
✍️ كلمات: انور المشيري
🎼 ألحان: احمد الهرمي
يا راس امن الدار يا محزم العود
يا من في وجه الكايده لك ماثر
تثبت بان الريح لا واجهت طود
الطود يبقى والرياح اتناثر
صيتك يقول الجود فوق اللي موجود
مثلك يابو زايد في هالوقت نادر
طحنون وفعلك مثل الاصلي من العود
يزداد طيبه لا كوته المباخر
يمناك ما ترجي مدايح ومردود
والمدح يعشق معطي ما يجاهر
تغبط عليك الدار والشعب محسود
حتى العدو في داخله بك يفاخر
يا كيف لا وانت ولد زايد الجود
ومن لابسته نهيان والعرق فاخر
وانت اخو محمد وما يلحقك زود
اذا وصفت اولك ماجبت الاخر