كلمات طيب الفال
✍️ كلمات: سطام الحرابي
🎼 ألحان: عبدالعزيز حمد الطيار
ما انكر الفرحه و لو انكرتني
بس ما خبرت الدمع من فرحتي سال
ياما و ياما دنيتي كدرتني
الين طابت فيك يا طيب الفال
كم انكسرت و بسمتك جبرتني
و اصبحت بك اقوى من القيل و القال
واثق و لك كل الخطى سيرتني
راسي بحبك مثلما ترسي جبال
عذرتني يوم البشر ما عذرتني
صدقتني و اقصيت واشي و عذال
يكفي احاسيسك الى من طرتني
ترسل رساله و انت تطري على البال
يا ليتها الاقدار بك خيرتني
و لا ضاع عمري بين حل و ترحال
لكن وكاد لحكمه اخرتني
لقيت بك درب السلامه و لو طال