كلمات سر حبي

سر حبي فيك غامض سر حبي ماانكشف
ايش اللي خلاني اعشق فيك والعشقه تلف
ايش اوقعني في شباكك وانا عيني تشوف
لا تعذبني وإلا ..سرت وتركت المكلا لك
. . . اذا ما فـيـك مـعـروف

واجهتنا خلف بعد العصر والحاسد خلف
والهـوى يجــري حـوالينا يلف الموج لف
والجبل من فوقنا يشهد وتشهد للكهوف
لا تعذبني وإلا سـرت وتركت المكلا لك
.... اذا مافـيـك معـروف

فوق شـط البحرحيث اللول يوجد والصدف
واللقا قد كان صدفة .. لاجزى الله الصدف
عندما سمحت ظروفك لك وسمحتلي الظروف
لا تعذبني وإلا ... سرت وتركت المكلا لك
... اذا مافيك معروف

كل واحد مننا ماســـــــك من الســـكة طرف
لا هدف لي فيك يظهرلي ولا لك شي هدف
وانتهى المشـوار كله وما تلامسـنا الكتوف
لا تعذبني وإلا ... سرت وتركت المكلا لك
.... اذا مافــيك معروف

بعد ذاك اليوم زاد الحـب عندي والشـــغـف
عنك أسأل كل شي .. حتى الشبابيك الخلف
وان تغيبت علي دورت في شمس الصيوف
لا تعذبني وإلا ... سرت وتركت المكلا لك
.... اذا مافــيك معروف

انت تحفه صاغها الرحمن من احلى التحف
انـت فـي الـدنـيـا قـضية ما تحـمـلهـا مـلـف
انت اغلى اسـم في قـلبي رباعـي الحـروف
لا تعذبني وإلا ... سرت وتركت المكلا لك
.... اذا مافــيك معروف

حبك اســــتلوى علـى قـلبي وحـملـني كـلـف
واحرمني منامي ما غـمض للعين جـفن
حب مهما لك وصفته، عنه يعجز لي الوصوف
لا تعذبني وإلا ... سرت وتركت المكلا لك
......... اذا مافــيك معروف ..............