كلمات اول مرة بخاف

انا فاكر اول صدفه ،  فـ اول مرّه قابلتِك فيها
اول موضوع دار بينّا ، و اول حاجه حكيتي عليها
اول نظرة اعجاب خلّيتنا حبايب مش اصحاب
اول صوره بتجمعنا ، و اول اغنيه تحبيها

و دي اول مره بـ اخاف
على نَفسي من الايام
فـ غيابِك مش سايعاني الدنيا
و مش طايقالي كلام

أنا قلبي فـ بُعدِك شاف
أول دمعة حرمان
تنزل علشان مش عارف
حنّيتلِك للمره الكام..!؟

من يوم ما مشيتي و عارِف ، من بَعدِك مش هـ ابقىٰ بخير
مش متعوّد ع الوِحده ، و من غيرِك صعبه المشاوير
و آدي اللي زمان إتعلّم علي ايدِك يفرح و يعيش
بُعدِك علِّم على قلبُه ، و سايبه مكانِك جرح كبير