كلمات تسمح ألوم ؟ (مع اميجو)

ترا فعلياً ما عنده حياة خاصة فيه
حياته متعلقة بغيره
فغيره إذا راح ترا هو يضيع، فهمت
لكن تس، تس، تس، تس، تس تسمح ألوم
لكن تس، تس، تس، تس، تس تسمح ألوم

أحياناً يمروا عليك ناس تجلدهم
تلعن خيرهم تمسكهم وتنفضهم يوم يتمادوا شوية
لكن مع الوقت خلاص تنساهم قد دعستهم لذا وجودهم ما له أهمية
تكمل حياتك بشكل عادي ماضي خلاص إنتهى
راح وعدا ومن الطبيعي تكون ناسي
بس لما أحد يذكرك بخلافاتك السابقة
فالغالب تكون عليها ما إنت راضي
وسبب عدم رضاك الندم بس مو ندم ع التأديب
الندم على أنك واجهت ناس الفرق ما بين مستواهم ومستواك
كالجندي والمهيب
فرق شاسع ترا أبد مو قريب
وين كان عقلك يوم إنك تعتبر ذولا خصوم

هل هو الحماس فذاك الوقت
أو هل الجمهور ضغطوا عليك لذلك إستجبت
أو يمكن لأنه ما كان فيه خصم قوي فَاوافقت، جايز
لو إنك سحبت عليهم تتوقع أحد بيعرفهم
وهذا الجيل هل كان راح يذكرهم ولا بيهملهم
عرفت خطاك الحين كل الناس تخطي
أعطيت قيمة لبعض الحثالة بدون ما تحس وتدري
أنا أدري إنهم أبد مو شاغلين بالك
عايش حياتك عندك مشاريعك وشغال على أعمالك
لكنك كنت شاغل عقولهم نكرات بدونك وإسمك أنت اللي يعولهم
دون إسمك هم ترا ولا شي لذا اسمك دوم بيكون هو الأساس
وبيذكرونه دايم بالشر وبالسوء
وإذا كنت تتأمل منهم خير وعقولهم بكرة راح تنضج وتكبر
ثق تماماً إن الوضع راح يسوء
ما عندهم أي موهبة تميزهم بين العموم
إنجازهم الوحيد يوم صاروا لك خصوم
وصار النكرة اللي منهم لو تروح تسأله الآن
من أنت يا حشرة؟ يقول أنا اللي كنت خصم فلان

بيظل ينبح هذا الكلب لين ترد وتعطيه إنت رد
لكن هيهات ما زال يعتقد إنه باقي ند
إنتَ اللي غلطت يا صاحبي لما عطيت وجه
في فترة سابقة لواحد من سنين هو مستجد
البيف مع ذا الضعيف ما زال من أخطائك في الماضي
ما زال ينزف رغم إنك نسيته وهو باقي
أكبر إنجاز له في مسيرته إنه أندعس منك
فلولا أسمك جا في طريقه ما كان ما زال باقي
أبد لا تلوم نفسك وتقول إن فشلت
جو الدسات العام هو اللي كان سايد ذاك الوقت
لذا نزلت ودست نفضت دعست جلدت
وهو للآن يتأوه من هول ما بهم فعلت
ما زال ينزف رغم السنين هذه اللي عدت
يدري إن قصت إيده ذي كان ما عليك إنمدت
والكل شاهد على ضعفه لذا إتحامى بغيره
لما شاف ما فيه أي فايدة وكل الطرق فيه أنسدت

لكن تسمح ألوم كيف إعتبرته لك ند هل من قلة الخصوم
كيف العراك يقوم بملك راب يعف عرشه يوزن عقله
كل الرابرز وبين شلة أقل ما يقال أنهم رخوم
إسمح لي أنا ألوم وأوضح بس لأجل عليك شكوك الناس ما تحوم
كونك قبلت يا صاحبي ونزلت عليه في الماضي
هذه ما هي مشكلة بقدر غلطتك لما إخترته من بين باقي العموم
إسمح لي أنا ألوم إنك أعطيته سالفة كان أولى عنها تصوم
إسمك باقي مختوم في خده أمام الكل
وهذا يذكر الجميع إنه إندعس في الماضي
مهما حاول إنهزم وباقي لين يومك هذا مهزوم

هذي مشكلة عويصة كم كنت أتمنى المشكلة كانت في الجيب حبيسة
لولاك ما كان أنعرف ولا حد جاب طاري إبليسه
بل كان بيكون تلميذ لك تتنزه عن تدريسه
أنا ألعن طاري إبليسه مستغل فترة سكوتك
ربي سقى أيام عزوفه إذا سمحوا صوتك
فكون بقوتك وامشي على طريقك
لا تخلي قطار الراب النظيف للمرة الثانية يفوتك
فلا تعطيه أي وجه ردك عليه يبيه
يبي ينشهر هو أكثر برداً منك ينسيه
فالضعف اللي هو فيه فخله يتلزق بذاك
إذا كان يعتقد إن ذي الفكرة منك تحميه، تحميه