سلم علي لاشفتني لاتهرب سلم وقول الشوق وش سوا بك زعلان لكن صاحبي لو تقرب ما هان قدرك في عيون احبابك لو انك تدور وغير قلبي تجرب ماظنتي ترتاح فيه اهدابك يلي غرامك في عروقي مشرب ياليت لي ودك رد وجابك هاك الوداد وكيف تبغي عرب ادري غيابي في الحنايا صابك وادري بك انك يالغلا ما تخرب حتى لو انك في قديم عتابك مافات مات ولا عليه مقرب لو اني معذب في برود اعصابك وان شفتني ياصاحبي لا تهرب سلم وقول الشوق وش سوا بك