كلمات ناجحة Nag7a

شافني صغيرة علشان بكبر
والناس بتقول ان انا ناجحة
واستكتر على قلبي الفرحة
وابتدى ينكر قيمتي ويجرح
بكلام زي السم بيوجع

شافني ضعيفة وتايهة وخايفة
ساذجة وم الصعب تكون حاجة
نجاحاتي دي كلها كدابة
كان شاطر جدا ف القسوة
ولا كان بيحس ولا بيسمع

كان بيصنفني ان انا تافهة
اضعف انسانة في يوم شافها
كان يستنى الفرحة تزورني
علشان يستهتر بوجودها

الناس بتقول اني جميلة
لكن عنده قليلة الحيلة
الله لا يسامحك على وجعي
وايامك ربنا ما يعودها

قال ف الأول ده فخور بيا
ونجاحي ده هيكون له علامة
اتقلبت ليه فيلم دراما
لما ضمني الحال اتبدل
وماشوفتش غير عكس الآية

ابتدى يملي شروطه عليا
ويضايق لو يوم مبسوطة
كانت بايخة قوي الحدوتة
ده بدل ما يكون سندي وضهري
كان بيحط بإيده نهاية

كان بيصنفني ان انا تافهة
اضعف انسانة في يوم شافها
كان يستنى الفرحة تزورني
علشان يستهتر بوجودها

الناس بتقول اني جميلة
لكن عنده قليلة الحيلة
الله لا يسامحك على وجعي
وايامك ربنا ما يعودها