كلمات البطوله الهلال

وش نقول و نخلي وش نخلي و نقول
الهلال البطوله و البطوله الهلال
الهلال الزعيم اللي يقول و يطول
الهلال الاجابه و ما يبي له سؤال
يا اسود الملاعب قولكم بالف قول
يا فخرنا و سندنا بلا حكي و لا جدال
خصمنا قول لكن ما نشوف الفعول
خصمنا و ان تمنى ما كسب لو خيال
ينهزم من تحدى و يعجز انه ينول
الهلال برجاله دوم صعب المنال
الجبل ما يهزه ريح يااهل العقول
لو تهب العواصف يصمد بكل حال
ما نعرف الهزيمه و ما نعرف الفلول
اصلا الفوز حنا غصب ما به مجال
خل عنك الحكي و خل قرع الطبول
الهلال بسمانا و السما ما تطال