كلمات اميره قلوب الاتقياء
يا اميره قلوب الاتقيا مرني طاريك
مرور السهر في محجر عيون عشاقه
اقدم لك من العمر روحي ولا يكفيك
كما انه يقدم يانع الورد في باقه
شعور المحب الصادق اللي بلا تشكيك
تبينه عينه لو يخفيه خفاقه
وش افخم من اسمي يوم مرت حروفه فيك
تقولين يا حمدان والروح منساقه
تقولين يا حمدان واقول يا لبيك
غلا حن رعاده وله لاح براقه
خذاه الزمن من صغر سنه ما بين يديك
سياسه وشعر وطير ومسرج وناقه
كثر ما اشتهرت وصرت معشوق ذيك و ذيك
لك الشوق حصري والمعاليق مشتاقه
يا مولاتي اللي جنتي من تحت رجليك
حنان الامومه ينعش الروح ترياقه
يا ام الشيوخ بلاد زايد تفاخر فيك
على درب فعل الخير خطوتك سباقه
تقولين مجدك ورث جدك وورث ابيك
الامجاد للي يملك الوعي والطاقه
عسى الدار ما تفقدك والعين ما تبكيك
ورا كل عملاق صنع مجد عملاقه