كلمات جادك الغيث

جادك الغيث يا مربي الصبا والطفولة
نسمتك من عبير وتربتك من خزامي
في رصيدك كم تشيلين مجد وبطولة
ادري ان الجواب الصح ياما وياما
ابتدا الفيصلي وأحفى سماري ذلوله
وانولد حلمك اللي في ربوعك تنامى
لين صرتي تسوين الصعاب بـ سهولة
يسهل الصعب بعزوم الرجال النشامى

يكرمون الضعوف ويكفلون اليتامى
نفس الاهداف تجمعهم ونفس الحمولة
يشعرون بـ بعض مثل الخوان التواما
نحمد الله على النعمة ونرجي قبوله
ونفزع لمن يعيش بدون ماكل ولا ما
الولاء ما هو مجرد كلام نقوله
في سبيله نطيش وننتفض وتتحاما
نتعاما ليا شفنا الخطايا عجولة
بس عن كل طامع ما نعرف نتعاما
مملكتنا لها فالكون صولة وجولة
علمتنا عن صغار الامور نتساما

الله يزيد غل أهل النفوس السقاما
اتباعا لـ دين الله وسنة رسوله
كل ما نسمع الجهال قلنا سلاما
رفرفي باسمك اللي هيبته من فعوله
ما انتي بـ غصن لا هب النسيم يتواما
اشرق النور ولا أرخى ظلامك سدوله
أمن وأمان حتى والخلايق نياما