كلمات ناسي
ما تكسروش اللي فاضلي جوايا
ما تنكروش إني لوحدي ويايا
كنتوا فين لما راح اللي راح
كنتوا فين لما زاد الجراح
ما تكدبوش قولولي إيه الحكاية
ما فهمتكوش عليا ولا معايا
خدتوا مني كل حاجة سبتوا إيه
قلت أداوي لنفسي جرحي وأعمل إيه
سرقوا مني أيامي
خلّوني ما أعرفش أنام
خدوا الضحكة من قدّامي
سابولي شوية أحزان
بسأل نفسي في المراية
ومش لاقيلي رد
إمتى تخلص الحكاية
إمتى أنا اتغيرت
صاحي يومها حد تاني
غير اللي أنا اخترته
ناسي ليه مكاني
ناسي نفسي برضه
وساعات بشتاق لزمان
دلوقتي أنا مين
حاجات بتضيع قدّامي
ألاقيها أنا فين
وأداري أوجاعي
وناسي أيامي
وأدوّر في القديم
يمكن أعرف أنا مين
بسأل نفسي في المراية
إمتى تخلص الحكاية
صاحي يومها حد تاني
غير اللي أنا اخترته
ناسي ليه مكاني
ناسي نفسي برضه
اغنية ناسي – تومي جن
Nasy – Tommy Gun
كلمات وألحان: تومي