كلمات بلديات ( انا منه )

انا منه و هو كمان مني ماهو بلدياتي
توبي من توبه ماهو اصله كان زي حلاتي
طيب اوي اوي و كمان برضه انا على نياتي
ماهو كتر خيره مافيش غيره بيسعد اوقاتي

دايما يعاملني بحنية و يطمن فيا
و شايلني على كفوف الراحة و بيحاكي علي
ده حبيب الروح بالروح و كمان شيفاه بعيني
مش بس حبيبي ده ابويه و اخويه و كل حياتي

انا مطمنة طول ما انا جنبه و حبه مونسني
من الناس و كلامهم و ملامهم قلبه بيحروسني
مش محتاجة حاجة من الدنيا و ايه اللي ناقصني
على اد ماهقدر انا هسهر علشانه ليلاتي

برتاح اوي لما بفضفضله لما انا بشكيله
ساعة مناديله بيجيني قبل لما انا اجيله
هو اللي بقيلي من الدنيا و حبي اللي باقيله
حكايته انا في الدنيا دي و هواه حكاياتي