كلمات طبيب الهوى

على طبيب الهوى يا ناس دلوني
تجملوا جمل الله حالكم فيه
تجملوا يا هل المعروف شيلوني
ان كان مايقدر من المشي رجليه
بس اوصلوني هوى بالي وخلوني
اموت عنده ولا بارض خلاويه

يا عارفين الموده لا تلوموني
البال مشغول و عيوني شقاويه
مهما تقولون مدري وش تقولوني
احبه و النفس ماموره ومنهيه
لو قلت ابصبر واجامل باح مكنوني
انا اشهد ان الهوى بلوه سماويه

ان كان ماشفت غض العود بعيوني
الامر لله وانا وش عاد في ايديه
يا ناس انا عاشق مغرم ومفتوني
افراحي لي جاء من الاجناب طرديه
انشد عن اهل الغضي وامش على هوني
من يمهم تكثر الروحات و الجيه

يا زيني وش بك قصرت الرجل من دوني
ابطيتي والعين في شوفك رجاويه
ما ودي الناس بالاسرار يدروني
اجحد وانا علتي في القلب مخفيه
ما فيه واحد على الاسرار ماموني
سر الهوى و الغلا حاجه خصوصيه