كلمات الحاجه |

الحاجه الي بجوالي تبكيني
صورتك دايم اطالعها واناجيها

من يوم مارحت دايم تدمع العيني
والنفس في غيبتك زادت بلاويها

ذكراك دايم حبييبي ماتخليني
والله يجيرك عن الدنيا ومافيها

اشوف زولك لو ان شوفك يبكيني
دنيا بدونك قسم بالله مابيها

وانت الوحيد الذي شوفك يسليني
وبعدك خدودي غزير الدمع مسقيها

ياعين هلي دموعج وش بقى فيني
ونفسي عقب غيبتك شفني اعزييها

مريت في شارعك و الهم طاويني
رسايلك دايم فبالي يطريها

العام كنت احلف انك ماتشقيني
واليوم نفسك على الهجران مقويها

كل شي في غيبتك شفته يعزيني
حتى الرسايل عن عيوني اخفيها

والحاجه الي بجوالي تواسيني
صورتك دايم اطالعها واخلييها