كلمات البحرين ما نرضى زعلها
🎼 ألحان: احمد الهرمي
يا اهل البحرين ياخير الرعيه
اشهدوا يا اهل العوايد الاوليه
عمر قلب الام ما قال بحياته
عيني هذي اخير من العين ذيه
كلنا في قلبها انسان واحد
نحتمي في حضنها صبح وعشيه
هذي البحرين ما نرضى زعلها
امنا اللي ما نجيها بالاذيه
ليه تدمع عينها واحنا سببها
ليش نكسر قلبها حزن واسيه
ما تشوف عيالها سنه وشيعه
كلنا بعيونها صرنا سويه
وش جرى في هالزمن يومن يخلي
الاخو يرفع يده في وجه خيه
قولوا كلمه لا وبصوت الجماعه
للعدو اللي يبي سفك الهويه
لا تفاضل لا تنزاع لا تهاون
لا تطاول لا فتن لا طائفيه
وارفعوا كلمه نعم فوق المنابر
للامانه للولاء وللحميه