كلمات لبيك بو خالد

لبيك بو خالد ولامرك مطيعين
امر علينا ولك سمع وطاعه
يا ذخرنا وقت اللوازم ملبين
انت الجسد للكل واحنا ذراعه

شهم ونبراس الشدايد وفي اللين
الدار تاخذ من عزومك مناعه

بك نقتدي في حل كل المضامين
ومن اقتدى بك ذب راس الرفاعه
يلي بشورك كل كايد لك يلين
سديد رايك ينوخذ بالقناعه

على خطا مسعاك نمشي بتمكين
مسعى الاراده والحزم والشجاعه

الله يسهل امرنا والله يعين
ونكون حسب الظن حسب الطماعه
منك الرضا يسوى كنوز وملاين
فرحتك غايه في العمر مع متاعه

يا بدرنا ياللي على الداجي يبين
يا نصرنا لا صار شهب و جزاعه
يا سيدي يا الله عسى ايامك سنين
ويعلك في حفظ الوالي وفي وداعه