كلمات بحرين دايم بخير

ياضياء نور عيني
لك وفاي وحنيني
وصار بينك وبيني
ارتباط المصير

بين دار وضناها
قلتها من غلاها
يسلم اللي بناها
بعد جهد كبير

بين عاهل وديره
هو يراها الاميره
وان لجا له قصيره
شاف منه الكثير

لدارنا الحب صافي
وشعب مخلص ووافي
والغلا دوم ضافي
عشق عود وصغير

عاشت الدار حره
والملك من مقره
قالها الفين مره
مملكتنا بخير

وعادها في كلامه
من رفيع مقامه
وجاتنا بابتسامه
من سمو الامير

قالها بحب داره
من تسامى وقاره
جات مثل الشراره
بالكلام الكبير

كلمه في محلها
وقالها من كفلها
دام انتوا اهلها
بحرين دايم بخير