كلمات صفحة الماضي

طوينا صفحة الماضي بدينا صادق الإحساس
وصرتي أجمل أحلام السنين وقصة إلهامي
أحبك يابعد كل الغلا وكل الملا والاس
ولا غيرك قمر يضوي ليال العمر قدامي

فداء عينك زمان فات من لوعة ومن هوجاس
ومن ضحكة سراب سافرت في بحر أحلامي
كذب كل الهوى قلبي ولا فاتن ولا مياس
أشوفك وأعرف إنك صدق معنى فرحة أيامي

هلا بك زاد حبك حب بلا حد ولا مقياس
أبسهر وأحرسك وإنتي عل الخد السما نامي
طبيعي تحرقي كل الشموس ولمعة الألماس
مدام النور بعروقك يشع ويضوي عتامي

أبسجد وأحمد اللي خصني باللي رفيعة ساس
لقيت بها نهايات الهموم وبلسم الامي
إلهي طالبك تحفظ ملاكن الطاهر الحساس
من عيون الحسود ومن العذول وهرج لوامي