كلمات هتان - ماجد موودز Hattan - Majid Moods

كن في خدك مثل شمس الغروب
وله مثل الجمر لا زاد شعله
ويش اوصف فيك يالخشف الطروب
وانت كلك ياهوى البال اقبله

عن جمالك لو دروا اهل الجنوب
صارت الخطوات لاجلك مشمله
واجتمع كل البشر من كل صوب
وكل عاقل بان طيشه واجهله
يا مسبب مشكلة بين الشعوب
خش زينك لا تزيد المشكلة
ودك ان زينك عن الناس محجوب
وما يشوفك غير من له بك صله

يا حبيبي والهوى نبض القلوب
وكل نبضة لك بالغلا مسترسلة
كأنها الهتان في عرض النصوب
يحي أوراق الغصون الممحلة

لأن شوفك ذنب من ضمن الذنوب
ومن شرع في الذنب يجزى بأعمله
غير أنا جيتك وفي صدري شبوب
وإنت بإيدينك تحل المسألة
لأن شوفك ذنب من ضمن الذنوب
ومن شرع في الذنب يجزى بأعمله
غير أنا جيتك وفي صدري شبوب
وإنت بإيدينك تحل المسألة

ضمني بالهون ياعذب السلوب
قبل تاخذني الثواني المقبله
والله ان الوقت فعيونك يذوب
يسرق العشاق ويزيد اعجله
ودي اعلمك يا اغلى محبوب
عن مثل تضرب عليه الامثلة
من جهل قدرك عرف معنى الرسوب
ومن عرف قدرك ضمن مستقبله

يا حبيبي والهوى نبض القلوب
وكل نبضة لك بالغلا مسترسلة
كأنها الهتان في عرض النصوب
يحي أوراق الغصون الممحلة

الليالي برد وأشواقي هبوب
والشتا يذبح وأشوفك بأوله
يا غناة الروح ما غيرك ينوب
والتعب راحة معك وأستسهله

والتعب راحة معك وأستسهله
والتعب راحة معك وأستسهله
والتعب راحة معك وأستسهله