كلمات حنانة
مالي كلبي غرامه
بالحب محلى كلامه
هذا الكائن راقي
وفوك أخدوده الشامه
يمشي خطوه بخطوه
نازك كلش هوه
نجم ويلمع وجهه
كل دنياتي يسوه
مالكني بأسلوبه
غازيني بأعجوبه
ماحب غيره بعمري
التوبه بس هالنوبه
محتلني بحركاته
محاوطني بضحكاته
ماخذ عقلي مني
روعه كلها صفاته
المقطع الثاني ...
أحبه أهواي أحترمه
مخلي بروحي بصمه
فرح نفسي وحالي
خيالي بمعنى الكلمه
يحجي وأني الأسمع
أصغي أله وأتمتع
أحروف التطلع منه
هيه فقط الأروع
أنطاني حنانه
حسسني بأمانه
خلاني فرحان وياه
وخله كلبي مكانه
حاويني بولائه
محلاه أحتوائه
صاير بيه وظلي
نقي وكله برائه