كلمات سمو المرجلة
سلام الله على شيخ مع مجد الوطن مولود
كتبه السعد و التوفيق مع مولد اماراته
سليل موحد الدوله عضيد القايد المفنود
سند ضلع الوطن بو خالد و مرجع قياداته
سمو المرجله طحنون بن زايد شبيه العود
تجسد فيه من زايد تفاصيله ولفتاته
ورث عن زايد الحكمه تقدير الخوي والجود
مثل ما ورثه حب القلوب وطيب عاداته
سياسي لا فتل حور السياسه حبله المعقود
تشيب روس عدوانه ولا تنفك عقداته
جناب المستشار اللي عليه الراي والمقصود
سديد الشور والحكمه على شوره وشاراته
سموه للعطا رمز وصدره عدنا المورود
يغار البحر من من غزره ومن جوده ومداته
عسى الله يطول بعمره وعزه للبقى والزود
ويبقى ذخر لشعبه ورمز شموخ راياته
حبيب الناس عرب الساس مثله في العرب معدود
يحار الشعر في وصفه ويتقاصر عن صفاته
ربيعه ما شكى الزله ولا يطري له المنقود
يطيب خاطر اللافي ولا يكثر معاياته
كريم بابه المفتوح تتزاحم وفود
جذبها ذكر ابو زايد و فزعاته و وقفاته
تراحيبه تعطر برزته من قبل فوع العود
وطيبه قبل فوع العود عطر جو برزاته