كلمات فوضى مشاعر

يامعلقة قلب من حبك عليك السلام
الي ترف رف على كبد السماء رايته
من عهد جدي لبيد الين عهد الايمام
وصلك وفصلك هنا منشاه وبدايته
رحتي على حين غزه من حوالين عام
وجيتي على صوت معشوقك ولبايته
مايجذب اكبر مقام الا كبيرة مقام
وانتي طموح القصيد ومنتاها غايته

ونا بدوي ورد ذوده على وايته
وده وهوبل وجاته مع طفيح الغمام
خفاها تازن الايقاع لحدايته
لو ناعسات العيون ومايسات القوام
رهن الاشاره ماحس القلب بكفايته
الي عدالك من الهفه عداه الملام
عن مثلك يعذرب الرجال بقفايته
انتي شموخك عظيم ويجلب الاهتمام
ونا ماقلط عليك الفكره البايته
أليا فقدتك مابعدك في حياتي مرام
واليا لقيتك ماقبلك فرصة فايته

والمجد للغاوي الي يعشق اغوايته
عرفت منك الغرام ولا عرفت الغرام
شي من الروح ما يدرى وش حكايته
فوضى مشاعر وصدق وتضحيه واللتزام
بياعته فالمساء فالصبح شرايته
جيتك مجي الكرام اللي تحب الكرام
واخترت درب توقف عندك نهايته
ان كان جيتي مجيك فوق صدري وسام
وان كان رحتي فمان الله ورعايته