كلمات عاده وسنه

ما رضينا السيف يبعد عن خوانه
خوف لا يستوحش ونلتــــام منه

العفو منكم خذيناه لمكــــــــانه
للرياسه وبو ظبي عاده وســــــنه

ما رضينا السيف يبعد عن خوانه
خوف لا يستوحش ونلتــــام منه

العفو منكم خذيناه لمكــــــــانه
للرياسه وبوظبي عاده وســــــنه

هوب من قل السيوف ال فالخزانه
غير مطلب من حضرنا لجل ظنه

راح لـ محمد يلي حاكم زمـــــانه
سيف سادس فوق خمساً يسبقنه

مارضينا السيف يبعد عن خوانه
خوف لا يستوحش ونلتــــام منه

العفو منكم خذيناه لمكــــــــانه
للرياسه وبوظبي عاده وســــــنه

حاكم الناموس في راسه وكيانـــه
بالوراثه هوب نقلاً فالأجـــــــنه

روحن لي فرقبة منصور امــــانه
بالوفاء من كثر مايعطي عطنه

عينهن ع السيف كن معهن ضمانه
رنج بو حمدان عمد يسايـــــرنه

يوفهن خلقه تقل فيه اسطوانه
مرهياتن والنسم ماتسلفـنـه

زهبي ياللي شبيه الخيزرانـــــه
للحمر شامي خصوصي وزعفـرنه

الركض مابه مجامل او ميـــــانه
وسبقنا محداً له ابداً فيه مـــــنه

فحمت من دون ركبي وصولجانه
قبل ركض الشوط وبليا اعنــــــه

ومن رهاوة لي يسايرها وينـــــانه
فاصلاً عنها النداء ومبنــــــــدنه

حاسبين حسابنا بليا استهانه
ابندا وبلا ندا إلا يوردنــــــــــــــه

ما رضينا السيف يبعد عن خوانه
خوف لا يستوحش ونلتــــام منه

العفو منكم خذيناه لمكــــــــانه
للرياسه وبو ظبي عاده وســــــنه

ويوم حان الوعد صفاً صف زانـــه
عينهن ع التيم يبغن يعدمــــــنه

وروحت يلي عصاها فالبطانــــــه
ما درت باللي معاها ويش يبــــنه

يوم ضربوا حولها زادت رزانــــه
حي ذاك السير لي ماغيــــــــرنه

بالركاده خانه تبدل وخـــــــانه
ذاخره للمنعطف لي ما اذخــرنه

وافية قبله ولا فيها ليـــــــــــانه
قبلها بوها التـراب امتــــــــــرنه

مارضينا السيف يبعد عن خوانه
خوف لا يستوحش ونلتــــام منه

العفو منكم خذيناه لمكــــــــانه
للرياسه وبوظبي عاده وســــــنه