كلمات قوم تحدى

قوم تحدى الظلم تمرد كسر هالصمت اللي فيك
يا شعبي اللي بارضه تشرد قهر واحزان بيكفيك
كيف بعدك ساكت والهم غرق عمرك دمع ودم
ارضك عم تندهلك ثورة
وينك عم بتناديك

قوم وحمل دمع بلادك وقف ع بواب الحكام
علق ورقة استشهادك ع ايدين السلام
كيف بعدك ساكت وبلادك صارت منفى للاحلام
والحرية وعيد عيادك لبسوا اسود ع الايام
ان ما رجعت الشمس بايدك بكره العتمة بتمحيك
وينك عم بتناديك

ليلية بسمع ليلية صوات ولاد مشردين
صاروا نار العبودية بليل الناس الظالمين
وين ضمير الانسانية وين العدل وين الدين
حاجي نغني للحرية وكل العالم محبوسين
وحدها الثورة يا وطني ع الحرية بتوديك
وينك عم بتناديك