كلمات تخطيت لـ

الحمدلله من غرامك تخطّيت
وأصبحت من بعدك ترى إنسان ثاني

صحيح من هجرك تعبت وتأذّيت
وأداوي جروحي وأساير زماني

قلبي وحطّيته على كفّ عفريت
وأمشي بلا وجهه وأضيع مكاني

والله حماني من كلام الشّماميت
اللّي تحطّ العشر مثل الثّماني

وشفت الحياة بزهو بعدك وغنّيت
ياللّي بعد فرقاي قالوا تعاني

تذوق ماذقته ونين وتناهيت
وتذرف دموعك بين قاصي وداني

أسرفت في حبّك كثير وتغلّيت
وأعطيتك أيّامي وكامل كياني

فرشت قلبي مثل ما يفرش البيت
من صافي إحساسي وخالص حناني

صبّيت حبّي في الدّلال وتقهويت
ويفوح منها الهيل والزّعفراني

وتخطي ولا كنّي أشوفك ليا أخطيت
وأستقبل الزّلّات مثل التّهاني

وأعطيتك زيادة على ما تمنّيت
وحقّقت الأحلام وجميع الأماني

حطّيت لك صيتٍ مع ذايع الصّيت
وتطلع مثل طلعه سهيل اليماني

ضيّعتها وآسف على ما تهقويت
وما ينجح الخدّاع ولا الأناني

ما أصدّ وإن صدّيت صدّيت صدّيت
والمستحيل إنّك بعدها تراني

الحبّ مثل النّار والشّكّ كبريت
شبّيتها خلّك معاها تعاني

والحمدلله من غرامك تعافيت
وما عاد تعرفني أنا إنسان ثاني

شيلة تخطيت – محسن ال مطارد
Takhatait – Mohsen Al Motared

المزيد من أغاني محسن ال مطارد
ذكريات العام
علقتني فيك
دورات الأيام
لا عاد تبعد
اقسى الظروف