كلمات افلام سيما Aflam Sema

خلصت خلاص علي كدة
بكفاية بني ادمين
مش فارقة مين انسحب
ولا اللي موجود مين
مش لاقي ناس مخلصة
ولا سالكة وكويسة
دول معجونين بالاذة
ناس مرضي نفسيين

كلة علي السلام بقي راكب
فيلم وكلة ناس بتحارب
وسط الورطة ناخد لقطة
والخسران بيقوم ويحاسب

مسرح كلة ناس بتمثل
واخطف واجري يلا وغفل
كلة اتغير دنيا تحير
حفلة وكلة جي يحفل

افلام سيما .. وخلق لائيمة
والشاطر هوا اللي بيجرح
بص اتفرج .. ناس بتهرج
وبتتنطط فوق عالمسرح

ايام صعبة وناس مش سالكة
الواحد واقف علي تكة
والدنيا اتقل خلاص خيرها
حتي الايام مفيهاش بركة

مبقاش واكل حتي المجدع
كلة بيضرب ضرب بيوجع
وسط الزحمة تلاقي حبايبك
تعابين وفي ضهرك بتلدع

اللي بياخد .. مبقاش يدي
والناس واخدة الدنيا تحدي
عايز تكبر .. وتعديهم
شخلل جيبك وانت تعدي

الاصول دلوقتي مش بتجيب تمنها
والمحبة ضاعت خلاص مبقاش زمانها
والطيبين مش موجودين بقو سد خانة
حتي الفلوس ناكل في بعض ياناس عشانها

كل اللي يعمل خير في حد بينسهولة
والناس بقت مالحق تزعل لو تقولو
ابن الحلال دلوقتي في الايام دي نادر
وابن الحرام بقي هوا دة اللي يطبلولو