كلمات عايشه AICHA

كنت بحلف اني ناسي
بس منستكيش دقيقة
لسه عايشه جوه بالي
كنت بكدب دي الحقيقة
عمري ما اتعودت اداري
أي ضعف وحُزن فيا
كنتي بايعة وكنت شاري
بس عادي مش قضية
...
عايشة يعني ومش فـ بالك
زي ما يكون اتنسيت
فاكره قلبي لما جالك
كنتي شايفه انه بيت
حب واديتك حياتي
عيشتك ونسيت اعيش
ابعدي عن ذكرياتي
انتي ليه مبتتنسيش
الحياه من يوم فراقنا
كل ألوانها اطفت
وبقيت بحس إني ميت
روحه من قلبه اختفت
عيني بتغمض ثواني
بشوف حاجات تقتلني قتل
والحقيقة إني عايش
بحكي وجعي في ألف سطر
....
فاكره لمّا كنا لمه
لمّا كنا قريبين
كنا واحد وانهارده
شوفي روحنا انا وانتي فين
كل واحد خد طريقه
غير مساره وبان غريب
هو ليه الجرح دايماً
ميجيبوش إلا الغريب
.......
عايشة يعني ومش فـ بالك
زي ما يكون اتنسيت
فاكره قلبي لما جالك
كنتي شايفه انه بيت
حب واديتك حياتي
عيشتك ونسيت اعيش
ابعدي عن ذكرياتي
انتي ليه مبتتنسيش
أيوه هقدر وانتي بكرا
هتيجي  بالدمع في عنيكي
وتقولي آسفه وغصب عني
لما غيري يدوس عليكي
مش حزين غير ع الليالي
اللي جنبك عشتها
انتي اكتر قصة بندم
إني يوم كملتها !